La casa

Soi como esa casa de la llomba.
Sola, a través de los años
yá va perdiendo l´alcordanza
de los que nella una vez
atecharon la vida y la costume.
La piedra de les sos muries
ya nun guarda la cotidiana calor
de los díes fuxíos
y detrás de los vidros de la ventana
naide escuca cuando llegues,
naide t´espera.
Pero inda hai díes, sicasí,
qu´un fuerte aire fai entornar
la puerta esgonciada,
la madera de los peldaños ruxe
y ye como si les pisades
de los años que pasaron
volvieran de secutre.

Una caricia basta. Una palabra.

(Xuan Bello, in "El llibru vieyu" , Uviéu, Trabe, 1994)
http://ast.wikipedia.org/wiki/Xuan_Bello
y
http://ast.wikipedia.org/wiki/Asturianu